Астаналық оқушылар 12 қаңтарда да мектепке бармайды

Бүгін, 12 қаңтарда Астанадағы мектептердің бірінші ауысымдағы 0-9-сынып оқушылары қашықтан оқиды, деп хабарлайды Zakon.kz.

Бұл туралы Астананың білім басқармасы хабарлады.

"2023 жылғы 12 қаңтар күні ауа райының қолайсыздығына байланысты бірінші ауысымның 0-9-сынып оқушылары қашықтан оқыту форматына ауыстырылады", - делінген жазбада.

Астанада оқушылар үшінші тоқсан басталғалы қашықтан оқып келеді.

Еске салайық, мұның алдында Алматыда да 2023 жылғы 12-13 қаңтарда 0,1-11-(12) сынып оқушылары мен колледждердің I, II курс студенттері қашықтан оқуға көшетінін хабарлаған едік. Cонымен бірге Қарағандыда, Семейде де оқушылардың онлайн оқитыны белгілі болды.