Жаңалықтар тізбегі
0

Биология сабағында теңіз шошқасын сойды: мұғалім жұмыстан шығып кетті

Биология сабағында шошқа сойды: мұғалім жұмыстан шығып кетті Сурет: primeminister.kz
Алматыда мектеп оқушылары сабақта мұғаліммен бірге теңіз шошқасын сойып, бөлшектеп тастады, деп хабарлайды Zakon.kz.

"Тәжірибе" сабағынан видеолар әлеуметтік желіде жарияланған. Кейін оны қалалық білім басқармасы тексерді. Нәтижесінде бұл жағдай 17 ақпан күні Алматыдағы жекеменшік мектептің 10-сынып оқушыларымен биология пәнінен қосымша тәжірибе сабағында болғаны белгілі болды.

Мұғалімнің айтуынша, ол оқушылардың қалауымен теңіз шошқасының ішкі мүшелерін көрсетіп, "анатомия және физиология" бөлімін қорытындылау мақсатында тәжірибе сабағын өткізген.

"Алдағы уақытта мұндай фактілердің алдын алу мақсатында мектеп мұғалімдеріне түсіндіру жұмысы жүргізілді. Сонымен қатар мектеп әкімшілігіне қоршаған ортаға құрметпен қарауды қалыптастыру, жануарларға қатыгездік көрсетудің алдын алу мақсатында мектепішілік бақылау мен тәрбие жұмысын күшейту жөнінде ұсыныстар берілді. "Алматы қаласы Білім басқармасының баспасөз қызметі

"Биология пәнінің мұғалімі өз еркімен жұмыстан кетті" деп қорытындылады басқарма.

13 ақпанда Петропавлда 9-сынып оқушысы мектепке балта мен пышақ әкеліп, соның салдарынан үш бала зардап шекті. Аталған факті бойынша қылмыстық іс қозғалды. 15 ақпанда оқушы екі айға қамауға алынғаны хабарланды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз