Оқу-ағарту министрі мектептер электрон оқулықтармен қашан толық қамтылатынын айтты
![Оқу-ағарту министрі мектептер электрон оқулықтармен қашан толық қамтылатынын айтты, сурет - Zakon.kz жаңалық 07.03.2023 11:15](https://kaz.zakon.kz/pbi/WEBP/2023-12-20/file-ae81ee50-0729-4dc3-8436-f68900cd783a/800x450.webp)
Оқу-ағарту министрі Ғани Бейсембаевтың айтуынша, қазір оқулықтардың 79%-ы цифрлық форматқа көшіріліп, мемлекеттік сараптамадан өтті және оқулықтар тізіміне кірді, деп хабарлайды Zakon.kz.
Бұл ретте электрон оқулықтар әзірлеу жұмысына еліміздегі 11-ден аса отандық баспалар атсалысқан.
"Пәндерді электрондық оқулықтармен 100% қамту 2024 жылға жоспарланған. Педагогтер үшін электрондық оқулықтарды тиімді пайдалану әдістемелері әзірленіп, оқыту жұмыстары басталды. Қазір 50 мыңнан аса цифрлық білім беру ресурсы жасалды", - деді Ғани Бейсембаев.
Министрдің сөзінше, 2023 жылдың басынан бастап Цифрлық білім беру ресурстарына 6,7 мың мектеп қосылған. Бұл ресурстарды бүгінде күн сайын 3 миллионға дейін оқушы мен мұғалім қолданып келеді. Цифрлық білім ресурстарында барлық сыныптарды қамтитын 50 мыңнан аса бейнесабақ жарияланған.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript