"Бірдеңе істеу керек": 2,5 жылда Каспий қалай таязданды

Ақтаулық блогер Азамат Сәрсенбаев Instagram-дағы парақшасында тағы Каспийдің видеосын жариялады. Видеода Каспий теңізінің деңгейінің 2,5 жылда қалай өзгергені көрсетілген, деп хабарлайды Zakon.kz.

"Сартас шығанағы, Маңғыстау облысындағы Каспий теңізінің оңтүстік жағалауы. Бір кездері бәзбіреулер осында тұтас теңіз портын саламыз деп жоспарлап, тіпті инфрақұрылым сала бастады. Бірақ бірдеңе дұрыс емес болып, жоба жүзеге аспай қалды. Қазір Каспий теңізінің тайыздану ауқымының куәгері болған соң мен бұл жобаға инвестиция сала алмаған инвестор үшін аздап қуанып тұрмын", - деп жазды блогер видеоның астына.

Блогер "Бірдеңе істеу керек" деп есептейді.

"Видеодағы көріністің айырмашылығы небәрі 2,5 жыл", - деп түйіндеді Сәрсенбаев.

Посмотреть эту публикацию в Instagram

Публикация от Азамат Сарсенбаев (@azamat_sarsenbayev)

Пікір қалдырушылар бір ғана сұрақ қойды: "Теңіздің тайыздануына кім жауап береді?"

11 қаңтарда Экология және табиғи ресурстар министрлігі Каспий теңізінің тайыздануы туралы айтты. Бұдан кейін департамент теңіз деңгейінің ауытқуы негізінен климаттың антропогендік өзгеруінің әсерінен су балансының сипаттамаларының арақатынасына байланысты екенін атап өтті.