Ең қымбат шай сатылатын өңір аталды

Ақпан айында қара шай Қазақстанда орташа есеппен келісіне 3819 теңгеден сатылды. Еліміз бойынша ең қымбат шай Нұр-Cұлтанда, деп хабарлайды Zakon.kz.

Energyprom.kz агенттігінің зерттеуінше, елордада бір келі шайдың құны келісіне – 4108 теңге. Ең «қымбат» қалалардың қатарында Қарағанды ​​(4093 теңге) мен Алматы (4074 теңге) бар.

Қазақстандықтардың сүйікті сусынын төмен бағада Түркістаннан табуға болады. Онда 1 келі қара шай 3557 теңге тұрады. Сонымен қатар Павлодар (3610 теңге) мен Оралда (3619 теңге) арзан шай табуға болады.

Қаңтар айының қорытындысы бойынша шай айына 0,4%-ға, жылына 9,3%-ға қымбаттады.

Өңірлер арасында шай Батыс Қазақстан (17,1%-ға), Алматы (16,8%-ға) және Шығыс Қазақстан (14,7%-ға) облыстарында айтарлықтай қымбаттады.

2022 жылдың қаңтарында қазақстандық компаниялар өткен жылдың осы айындағы 950 тоннамен салыстырғанда 712 тонна қара жапырақты шай өндірді.