Доллар тағы қымбаттады

Сурет: Zakon.kz

Қазақстан қор биржасы (KASE) 11:00-дегі жағдай бойынша доллардың орташа сараланған бағамы 6,34 теңгеге қымбаттап, 465,49 теңгені құрады, деп хабарлайды Zakon.kz.

Еске салайық, дүйсенбіден бері доллар 30 теңгеден астам арзандады.

Кешегі саудада Ресей рублінің орташа сараланған бағамы 0,20 теңгеге өсіп, 5,40 теңгені құрады. Ал қытай юанінің бағамы, керісінше, 1,94 теңгеге төмендеп, 72,17 теңгені құрады.

Еуро бағамын Ұлттық банк 510,57 теңге деп белгіледі.

Ақша айырбастау орындарында доллар 462-467 теңгеге сатылды/сатып алынды, еуро 513-521 теңгеге өсті. рубль – 5,5-6,05 теңге болды.

Ал 31 наурыздағы сауда-саттық барысында әлемдік мұнай бағасы төмендеп жатыр.

WTI маркалы мұнайдың мамырдағы фьючерстері 5,92%-ға төмендеп, барреліне 101,44 долларды құрады.

Brent маркалы мұнайдың мамыр айындағы фьючерстері барреліне 4,85%-ға арзандап, 106,03 долларды құрады.

Оқи отырыңыз