Доллар тағы қымбаттады

Қазақстан қор биржасы (KASE) 15:30-дағы жағдай бойынша доллардың орташа сараланған бағамы тағы 1,03 теңгеге қымбаттап, 434,51 теңгені құрады, деп хабарлайды Zakon.kz.

Ресей рублінің орташа сараланған бағамы да өсіп, қазірдің өзінде 7,28 теңгеге (+0,18) жетті.

Қытай юанінің орташа сараланған бағамы аздап төмендеп, 64,83 теңгені (-0,05) құрады. Сауда көлемі 2,93 миллион юань.

Еуроның орташа сараланған бағамы – 462,91 теңге.

Ақша айырбастау орындарында доллар 434-439 теңгеге сатылды/сатып алынды, еуро 463-470,5 теңгеге өсті. Рубль – 6,5-7,05 теңге.