Қазан айында Қазақстанның қай өңірінде инфляция жоғары болды

Сурет: Zakon.kz

Ұлттық статистика бюросының мәліметінше, қазан айында өңірлер арасында ең жоғары айлық инфляция Шымкентте байқалды – 2,3%, деп хабарлайды Zakon.kz.

Ал ең төмен ифляция Қостанай және Ұлытау облыстарында тіркелді – әрқайсысында 0,8%-дан.

Азық-түлік тауарлары бір айдың ішінде Шымкент қаласында ең көп қымбаттады – 3%-ға, республикалық деңгейден төмен мән Атырау облысында –0,8%.

Азық-түлікке жатпайтын тауарлардың қымбаттауы бойынша қазан айында Астана көш бастады –2,6%. Ал ақылы қызметтер бойынша ең жоғары өсім Алматы облысында – 2,9%.

Тауарлардың жекелеген түрлері бойынша қарайтын болсақ, нан-тоқаш өнімдері мен жармалардың ең жоғары қымбаттауы Шымкентте – 3,9%-ға, ет және ет өнімдері бойынша бағаның жоғары өсімі тағы Шымкентте тіркелді – 3,4%, майлар бағасы Ұлытау облысында ең көп өсім көрсеткен – 3,5%. Жемістер мен көкөністер өңірлер арасында Жетісу облысында ең көп арзандаған – 3,2%

Оқи отырыңыз