Елімізде ірімшік бір жыл ішінде 31,4 пайыз қымбаттады
Сурет: pixabay
Статистика мамандарының айтуынша, ірімшікке ең жоғары баға Қарағандыда тіркелді, мұнда ірімшіктің орташа бағасы келісіне 5356 теңге.
Астанада ірімшіктің орташа бағасы 4880 теңге болса, Алматыда ірімшіктің келісіне орта есеппен 4700 теңге, Таразда 4782 теңге жұмсайсыз.
Ең төмен баға Қонаев қаласында тіркелді, мұнда ірімшіктің келісі орта есеппен 3153 теңге тұрады.
2022 жылғы қаңтар-тамыз айлары аралығында Қазақстанда 24 409,9 тонна ірімшік пен сүзбе өндірілді, бұл өткен жылдың сәйкес кезеңімен салыстырғанда 8,3% аз.
Қазақстандық ірімшік (сүзбені қоса алғанда) негізінен ТМД елдеріне (РФ, Армения, Қырғызстан, Әзірбайжан, Өзбекстан), сондай-ақ Корея мен Моңғолияға экспортталды.
Импорттың негізгі көлемі РФ, Беларусь, Украина, Латвия, Иран елдерінен келеді.
