Қасым-Жомарт Тоқаев: "Атамекен" ұлттық палатасы трансформациялауды талап етеді

Атамекен ұлттық кәсіпкерлер палатасы, трансформация, Қасым-Жомарт Тоқаев, сурет - Zakon.kz жаңалық 12.09.2023 19:16

Сурет: atameken.kz

2023 жылы 12 қыркүйекте Ақордада өткен отандық бизнес өкілдерімен кездесуі барысында Мемлекет басшысы Қасым-Жомарт Тоқаев "Атамекен" Ұлттық кәсіпкерлер палатасының негізгі міндетін атады, деп хабарлайды Zakon.kz.

Сөз соңында президент "Атамекен"ҰКП қызметінің мәселелеріне тоқталды.

"Қорыта келе, Ұлттық кәсіпкерлер палатасы қызметіне қатысты мәселелерге арнайы тоқталғым келеді. Оның негізгі міндеті – бизнес пен мемлекет арасындағы тиімді диалогтың негізгі өзегі болу". Қасым-Жомарт Тоқаев

Мемлекет басшысы палатаны трансформациялау, оны корпоративтік басқару сапасын айтарлықтай арттыру қажет екенін жеткізді. Президенттің айтуынша, палата кәсіпкерлердің ортақ пікірін толық жеткізіп, әлеуметтік-экономикалық реформаларды ілгерілететін ұйым болуы тиіс.

Айта кетсек, алдында Президент орта кәсіпкерліктің дамуын жеделдету керектігін, бұл бағытта шұғыл шешуді қажет ететін проблемалар қордаланып қалғанын айтқан болатын.