Қазақстан Ресейге жүздеген тауарды жеткізуді тоқтатты

Сауда және интеграция вице-министрі Қайрат Төребаев Сенат кулуарында Қазақстан Ресейге тауардың 106 түрін жеткізуді тоқтатқанын айтты, деп хабарлайды Zakon.kz.

Ол тауар экспорттау жаһандық жағдайға байланысты шектелгенін атап өтті.

"106 түрлі өнім. Біз олардың экспортын толығымен шектедік. Олар әскери мақсаттағы өнімдер. Мысалы, дрондар, ішкі бөлшектер, арнайы электроника, чиптер және осыған ұқсас өнімдер". Қайрат Төребаев

Көктемде Қазақстан Республикасы Сыртқы істер министрлігінің ресми өкілі Айбек Смадияров Қазақстан санкцияларды айналып өту үшін Ресейге өз алаңын ұсынуға ниетті емес екенін жеткізген.