ҚР ҚНРДА басшысы ЕАЭО-ға ортақ валюта жөнінде: Бұл мәселені ешқашан қарастырған емеспіз

9 қараша күні Қаржы нарығын реттеу және дамыту агенттігінің төрағасы Мәдина Әбілқасымова Ақордада журналистердің ЕАЭО-ға ортақ валюта жайындағы сұрағына жауап берді, деп хабарлайды Zakon.kz.

Журналистер ҚНРДА басшысы Мәдина Әбілқасымоваға "ЕАЭО-ға бірыңғай валюта – "алтынды" енгізу мәселесі бүгінде өзекті ме?" деген сауал қойды.

Ведомство басшысы ЕАЭО-да бірыңғай валюта құру туралы сөз қозғалмағанын айтты.

"Біздің интеграциялық ынтымақтастығымыз аясында мұндай мәселе ешқашан көтерілген де, қарастырылған да емес, мұндай ұсыныстар ешқашан болған емес", – деді Мәдина Әбілқасымова.

ҚНРДА басшысының айтуынша, ЕАЭО елдері арасындағы тауар айналымы ұлттық валютада жүргізіледі. Қазақстан экономикалық одаққа мүше мемлекеттер арасындағы ұлттық валютадағы төлемдерді кеңейтуді қолдайды.