Павлодар мұнай-химия зауыты бір айға жабылды

Павлодар мұнай-химия зауыты, жоспарлы жөндеу жұмыстары, жабылды, сурет - Zakon.kz жаңалық 18.06.2024 18:47

Сурет: Павлодар мұнай-химия зауыты

2024 жылы 17 маусымда Павлодар мұнай-химия зауытында (ПМХЗ) жоспарлы алдын алу жұмыстарын жүргізу бойынша іс-шаралар басталды. Зауыт 16 шілдеде штаттық режимде жұмысқа кіріседі, деп хабарлайды Zakon.kz.

"ҚазМұнайГаз" ұлттық компаниясы баспасөз қызметінің хабарлауынша, жоспарлы алдын алу жұмыстары – жыл сайын жүргізілетін процедура. Ол технологиялық жабдықтардың қауіпсіздігін және өндіріс тиімділігін арттыру үшін жасалады.

"Павлодар мұнай-химия зауытында қазіргі уақытқа дейін жанар-жағармай материалдары қорының тиісті көлемі қалыптасты. Жанармай ҚР Энергетика министрлігімен келісілген жоспарына сай жөнелтіледі. Сонымен қатар ҚМГ-ның басқа мұнай өңдеу зауыттарында жанармайдың жекелеген түрлерінің өндірісін ұлғайту бойынша жұмыс атқарылды. Аталмыш шаралар, ең алдымен, экономиканың әлеуметтік маңызды секторының қажеттілігін қамтамасыз етуге, сондай-ақ ішкі нарықтағы тұрақтылықты сақтауға бағытталған", делінген хабарламада.

Оқи отырыңыз