Meta-ның акциялары Facebook қолданушылары жайлы есептен соң 26 пайызға құлдырады

Акция, сурет - Zakon.kz жаңалық 03.02.2022 22:00

Сурет: Twitter/Meta

Meta Platforms акциялары тоқсандық есеп жарияланған соң тағы құлдырады. АҚШ қорының сауда-саттық алаңында Meta акцияларының құны 238 долларға дейін төмендеді, бұл есеп жарияланар алдындағы көрсеткіштен 26 пайызға төмен, деп хабарлайды Zakon.kz

Бір күн бұрын Meta ребрендингтен кейінгі алғашқы қаржылық есебін жариялады, алайда ол сарапшылардың үмітін ақтамады.

АҚШ биржаларының ашылуы сәтінде компанияның акциялары 239 доллар деңгейінде сатылды. Бұл бір күн бұрынғы құннан 84 долларға кем.

Мета-валюта мен виртуалды шынайылыққа инвестиция салатын Reality Labs бөлімшесі 3 миллиард доллардан астам шығынға ұшыраған.

I-тоқсандағы кіріс, Meta болжамына сәйкес, инфляцияға, жарнама берушілердің тізбегінің бұзылуына, сондай-ақ Apple-дің жаңа құпиялылық саясатына байланысты көп бола қоймайды.

Аудиторияның өсімі көңілге қонымсыз болып шықты: 2021 жылдың желтоқсанында желіні белсенді пайдаланушылар саны тек 4%-ға, яғни 2,9 млрд адамға дейін өсті. Meta мұны жоғары бәсекелестіктің артқанымен түсіндірді, оның ішінде TikTok сияқты қысқа роликтерге арналған бейне платформалар да бар.

Оқи отырыңыз