15 желтоқсандағы саудада доллар мен рубль арзандады

Сурет: Zakon.kz

Қазақстан қор биржасы (KASE) 15:30-дағы жағдай бойынша доллардың орташа сараланған бағамы тағы 0,22 теңгеге төмендеп, 468,56 теңге болғанын мәлімдеді, деп хабарлайды Zakon.kz.

Ресей рублінің орташа сараланған бағамы 7,24 теңгеге (-0,15) түсті.

Қытай юанінің орташа сараланған бағамы әлі де арзандап жаьыр – 67,22 теңге (-0,06).

Еуро бойынша сауда-саттық болған жоқ. Еуро бағамын Ұлттық банк 499,49 теңге деп белгіледі.

Ақша айырбастау орындарында доллар 469-472 теңге, еуро 497-503 теңге, ресей рублі 7,1-7,27 теңге аралығында сатылып жатыр.

Ал 15 желтоқсандағы сауда барысында әлемдік мұнай бағасы төмендеді.

Лондондағы ICE Futures биржасында Brent маркалы мұнайдың ақпан фьючерстерінің құны 0,74%-ға төмендеп, барреліне 82,09 доллар болды.

Нью-Йорк тауар биржасында (NYMEX) электронды саудада қаңтар айындағы WTI маркалы мұнай фьючерстерінің бағасы барреліне 0,98%-ға арзандап, 76,52 доллар болды.

Оқи отырыңыз