Ұлттық экономика министрі коммуналдық қызмет тарифінің көтерілетінін мәлімдеді

Сурет: pixabay

Үкімет отырысында Ұлттық экономика министрі Әлібек Қуантыров Қазақстанда коммуналдық қызметтерге тарифтерді көтеру жоспары туралы айтты, деп хабарлайды Zakon.kz.

Әлібек Қуантыров белгілі бір өсім болатынын айтты.

"Өсім нақты монополия субъектісіне, энергиямен, сумен немесе жылумен қамтамасыз ететін, қызмет көрсететін, салатын, жеткізетін нақты ұйымға байланысты болады. Тіпті желілердің тозған-тозбағанына да байланысты. Мысалы, Екібастұз ЖЭО-сы өтініш жасап, тарифті 107% көтеруді сұрады .Біз мұнымен келісе алмаймыз. Бірақ өсім 4 есе аз болуы ықтимал. Біріншіден, Екібастұз ЖЭО-ға меншік иесінің өзі жауап беруі керек. Қаражаттың бір бөлігі бюджеттен, екінші бөлігі тұрғындардан. Өйткені мұнда әділ көзқарас пен соған сай жылдам емес өсу болуы керек".Ұлттық экономика министрі Әлібек Қуантыров

Бұл ретте ол әр өңірде өсім әртүрлі болатынын атап өтті: бір жерде 10, бір жерде 25%.

Ең үлкен өсім Риддер мен Екібастұзда болжанды. Өйткені жүйенің ең көп құнсыздануы байқалады.

"Тарифтердің өсуі туралы келісім жасалған кезде (тұрғындар төлемдерді жаңартылған тариф бойынша алады – ред. ескертпе) біз мұны өте бір қалыпты орындағымыз келеді. Мысалы, жылу тарифтері 1 наурыздан немесе 1 сәуірден бастап өседі деген сияқты".Әлібек Қуантыров

Бұған дейін мамандар коммуналдық қызмет құнының өсуіне әсер ететін факторларды атаған еді.

Оқи отырыңыз