21 ақпандағы саудада доллар бағамы тағы түсті

Сурет: Zakon.kz

Қазақстан қор биржасы (KASE) 15:30-дағы жағдай бойынша доллардың орташа сараланған бағамы 1,90 теңгеге төмендеп, 445,65 теңге болғанын мәлімдеді, деп хабарлайды Zakon.kz.

Қытай юанінің орташа сараланған бағамы төмендеп, 64,80 теңге (-0,38) болды.

Еуро мен рубль бойынша сауда болған жоқ. Еуро бағамын Ұлттық банк 478,03 теңге, рубль бағамын 6,05 теңге деп белгіледі.

Ақша айырбастау орындарында доллар 447-451 теңгеден, еуро 476-481 теңгеден, ресей рублі 5,7-6 теңгеден сатылып жатыр.

Ал 21 ақпандағы саудада мұнайдың әлемдік бағасы әртүрлі бағытта өзгерді.

ICE Futures бойынша Brent маркалы мұнайдың сәуірдегі фьючерстерінің құны 0,40%-ға арзандап, барреліне 83,73 доллар болды.

NYMEX электрондық саудасында WTI мұнайының сәуір айындағы фьючерстері 17 ақпандағы сауда нәтижесімен салыстырғанда 0,81%-ға өсіп, барреліне 77,17 доллар болды.

Оқи отырыңыз