Еліміздің екі облысындағы Экономикалық тергеп-тексеру департаментінің басшылары тағайындалды

ҚР Қаржылық мониторинг агенттігінің Қарағанды және Түркістан облыстары бойынша Экономикалық тергеп-тексеру департаментінің басшылары жаңадан тағайындалды, деп хабарлайды Zakon.kz.

Қаржылық мониторинг агенттігінің мәліметінше, ҚМА-ның Түркістан облысы бойынша Экономикалық тергеп-тексеру департаментінің басшысы қызметіне Балғабаев Ерболат Темірболатұлы тағайындалды.

Ерболат Балғабаев бұған дейін Бас прокуратура мен Қаржылық мониторинг агенттігінің құрылымдарында басшылық қызметтер атқарған. 

Сурет: ҚР ҚМА баспасөз қызметі

Сондай-ақ Қаржылық мониторинг агенттігінің Қарағанды облысы бойынша Экономикалық тергеп-тексеру департаментінің басшысы қызметіне Төлеутай Нұраби Рашидұлы тағайындалды.

Нұраби Төлеутай бұған дейін Ақмола облысы бойынша Экономикалық тергеп-тексеру департаментінің басшысы қызметін атқарған болатын.

Сурет: ҚР ҚМА баспасөз қызметі

Ұжымға жаңа басшыларды ҚМА төрағасының бірінші орынбасары Ғабит Садырбеков таныстырды.