Қазақстанда цифрлық теңгенің тұсаукесері өтті

Ұлттық банк, цифрлық теңге, сурет - Zakon.kz жаңалық 15.08.2023 11:37

Сурет: pixabay

Қазақстан Республикасының Ұлттық банкі цифрлық теңгені таныстырып, оны тестілеу барысы туралы айтты, деп хабарлайды Zakon.kz.

15 тамызда Қазақстан Республикасы Жоғарғы есеп палатасының баспасөз қызметінің мәліметінше, цифрлы теңгені енгізу жобасын Ұлттық банк төрағасының орынбасары Берік Шолпанқұлов пен "Ұлттық банктің төлем және қаржы технологияларын дамыту орталығы" АҚ төрағасы Бинұр Жәленов таныстырды.

"Жобаның мақсаты – Қазақстан Республикасының ұлттық төлем жүйесін одан әрі дамыту және жаңғырту, жаңа сыртқы сын-қатерлерге бейімдеу", – деп атап өтті олар таныстыру барысында.

Бинұр Жәленов цифрлық теңге қолма-қол немесе қолма-қол емес ақшаны алмастырмайтынын баса айтты. Бұл есептеу құралы солармен қатар қолданылады. Цифрлық валютаның пайда болуы бірегей технологиялық сипаттамаларына байланысты ұлттық төлем жүйесін дамытуға көмектеседі: мысалы, цифрлық теңгені Интернетке қосылмай-ақ төлеуге болады.

"Цифрлық теңге ұлттық валютаның үшінші формасы ретінде сол заңды төлем құралы болып саналады, оның бағасы теңге бағамына тең болады және оны қолма-қол немесе қолма-қол ақшасыз ақшаға оңай айырбастауға болады. Қазіргі уақытта Ұлттық банк цифрлық валютаның артықшылықтары мен тәуекелдерін, оның ақша-несие саясатына, қаржылық тұрақтылыққа және төлем қызметтері нарығына әсерін жан-жақты зерттеп жатыр", - деді презентация авторлары.

Оқи отырыңыз