Теңгедегі депозиттер бойынша қыркүйек-қазан айларындағы шекті мөлшерлемелер белгілі болды

Қазақстанның депозиттерге кепілдік беру қоры, теңгедегі депозит, сурет - Zakon.kz жаңалық 31.08.2023 14:19

Сурет: pixabay

ҚДКБҚ теңгелік депозиттердің бойынша 2023 жылдың қыркүйек пен қазан айларына арналған шекті сыйақы мөлшерлемелерін бекітті, деп хабарлайды Zakon.kz.

Қазақстанның депозиттерге кепілдік беру қоры 31 тамыз күні кесте жариялады, онда алдағы екі айдағы теңгедегі депозиттер бойынша шекті мөлшерлеме көрсетілген. Мерзімсіз депозиттер бойынша мөлшерлеме 16%, мерзімді депозиттер бойынша максималды пайыздық мөлшерлеме 17,3%, жинақ депозиттер бойынша 18,3% деңгейінде белгіленген.

Қазақстанның депозиттерге кепілдік беру қоры екінші деңгейдегі банктер өздерінің депозиттік өнімдеріне қатысты сыйақы мөлшерлемелерінің көлемі қандай болатындығы туралы шешімді өз бетімен қабылдайтынын еске салды.

"Банктер өтімділікке қатысты қажеттіліктеріне қарай, сондай-ақ қаржылық және экономикалық ахуалдарға берілетін ішкі бағаларды ескере отырып, өздерінің депозиттік өнімдері бойынша басқа сыйақы мөлшерлемелерін белгілеуге құқылы. Ол ҚДКБҚ бекіткен шекті сыйақы мөлшерлемелерінен айтарлықтай ерекше болуы мүмкін", – делінген қор хабарламасында.

Оқи отырыңыз