МКК блогерлерге кірістерді төмендету туралы хабарламалар жіберуде

Желіде бірқатар блогер Мемлекеттік кірістер комитетінен кірістерді төмендету және салықтарды төлемеу туралы хабарламалар алғаны жайлы жазды. Осыған байланысты МКК түсініктеме берді, деп хабарлайды Zakon.kz.

Ведомство Мемлекеттік кіріс органдары салық міндеттемелерін толық орындау мақсатында блогерлерді қоса алғанда, жеке тұлғаларға салықтық әкімшілендіруді тұрақты негізде жүргізетіндігін атап өтті. 

Бақылау шараларын жүргізу кезінде мемлекеттік кіріс органдары уәкілетті мемлекеттік органдармен, ұйымдармен және өзге де тұлғалармен өзара іс-қимылды жүзеге асырады.

"Түрлі ақпарат көздерінен алынған деректерді ұсынылған салық декларацияларының мәліметтерімен салыстыру қорытындысы бойынша 594 тұлғаларға 53,3 млрд. теңгеге сәйкессіздіктер белгіленді, нәтижесінде ағымдағы жылдың 13-14 ақпан аралығында «кірістерді төмендету» бұзушылықтары бойынша камералдық бақылау хабарламалары жіберілді",- деп толықтырды комитет. 

Комитет хабарламаны орындау мақсатында дербес есептелген салықтарды төлей отырып, қосымша салық есептілігін тапсырылатындығын немесе хабарламамен келіспеген жағдайда түсіндірмені ұсыну қажеттігін атап өтті.

Хабарламаның орындалу мерзімі 30 жұмыс күнін құрайды.

Сонымен қатар, табыс алу кезінде салықтарды төлеу қажеттілігіне, оның ішінде әртүрлі интернет-ресурстарында онлайн-жарнамаларды жариялауға (ақпараттық өнімдерді жылжыту немесе сату, әртүрлі оқыту курстарын сату, ұтыс ойындарын өткізу және т.б.) назар аударамыз.

Көрсетілген міндеттемелер Қазақстан Республикасының Конституциясында және Салық кодексінде белгіленген.