Мемлекеттік кірістер комитеті 93 блогерге жіберілген хабарламаларды кері қайтарып алды

ҚР ҚМ Мемлекеттік кірістер комитеті 93 блогерге жалпы сомасы 9,8 млрд теңгеге жіберілген 169 хабарламаны кері қайтарып алды, деп хабарлайды Zakon.kz.

"ҚР ҚМ Мемлекеттік кірістер комитеті 2025 жылғы 19 ақпанда 53,3 млрд теңгеге 594 блогер бойынша бұрын жіберілген 1014 хабарламадан жалпы сомасы 9,8 млрд теңгеге 93 блогерге жіберілген 169 хабарламаны кері қайтарып алу жүргізілгенін хабарлайды", – делінген ақпаратта.

Комитеттегі хабарламалардың күшін жоюдың себебі оларды жіберу және өңдеу процесінде техникалық ақаулардың пайда болуы деп аталды.

МКК жойылған техникалық қателерді ескере отырып, кері қайтарып алынған хабарламаларды қайта шығару бойынша жұмыс жүргізгендерін айтты.

Бұған дейін Мемлекеттік кірістер комитеті "борышкер блогерлердің" тізімі туралы түсініктеме берген болатын.