1 сәуірдегі сауда барысында доллар бағамы төмендеді

Қазақстан қор биржасында (KASE) 2025 жылғы 1 сәуірде сағат 15:30-да шетел валюталары бойынша күндізгі сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 1,12 теңгеге төмендеп, 503,15 теңге болды.

Ресей рублінің орташа сараланған бағамы 5,93 теңге (+0,03) болды.

Таңғы сауданың қорытындысы бойынша юань бағамы 69,24 теңгеге (-0,16) түсті.

Ақша айырбастау орындарында доллар 500,9-503,5 теңге, еуро 542-546 теңге, рубль 5,79-5,93 теңге аралығында сатылуда.

1 сәуірдегі сауда барысында мұнайдың әлемдік бағасы төмендеді. Осылайша, ICE Futures электрондық саудасында маусымдық Brent фьючерстерінің құны барреліне 74,50 долларға дейін 0,36%-ға арзандады.

NYMEX электрондық саудасында WTI мұнайының мамырдағы фьючерстері 0,38%-ға арзандап, барреліне 71,21 долларды құрады.

Таңертең Ұлттық банк доллар бағамын 504,44 теңге, еуроны 545,65 теңге, рубльді 5,95 теңге деп белгіледі.