Қазақстанда ең төменгі жалақы мөлшері өзгеруі мүмкін

2025 жылғы жағдайда Қазақстанда ең төменгі жалақы 85 мың теңгені құрайды, бірақ 2025 жылғы 15 мамырда дамушы елдерді ескере отырып, ЕТЖ белгілеуге арналған 131-конвенцияны ратификациялау туралы заң жобасы Мәжілістің қарауына келіп түскен, деп хабарлайды Zakon.kz.

Бұл конвенция ратификацияланса, онда елімізде ең төменгі жалақы (ЕТЖ) көлемі өсуі мүмкін. Еңбек және халықты әлеуметтік қорғау министрлігі өткен жазда заң жобасын әзірлеп, 2024 жылы 9 тамызда ол "Ашық НҚА" порталына қоғамдық талқы үшін орналастырылды. Алайда, ол Парламенттің ресми сайтындағы ақпаратқа сәйкес, 2025 жылы 15 мамырда депутаттардың қарауына келіп түсіпті.

Сонымен қатар, құжат мәтіні өте қысқа және талқылайтындай мазмұнға да ие емес:

"1970 жылғы 22 маусымда Женевада жасалған дамушы елдерді ерекше ескере отырып, ең төменгі жалақыны белгілеу туралы Конвенция (131-Конвенция) ратификациялансын".

Бірақ бұл туралы келісім керек секілді. ЕТЖ - бұл қарапайым, еңбекке ақы төлеу кепілі ғана емес; сондай-ақ әртүрлі әлеуметтік төлемдердің мөлшеріне әсер ететін көрсеткіш.

Дамушы елдерді ерекше ескере отырып, ең төменгі жалақыны белгілеу турасында Халықаралық еңбек ұйымының № 131 конвенциясының өзі нақты сандарды белгілемейді. Тек (3-бапта) "ЕТЖ деңгейін анықтау кезінде ескерілетін факторлар ұлттық практика мен шарттарға сәйкес оның қаншалықты мүмкін және қолайлы екендігін қамтиды" делінген:

• елдегі жалақының жалпы деңгейін, өмір сүру құнын, әлеуметтік жәрдемақыларды және басқа әлеуметтік топтардың салыстырмалы өмір сүру деңгейін ескере отырып, жұмысшылар мен олардың отбасыларының қажеттіліктері;
• экономикалық ойлар, соның ішінде экономикалық даму талаптары, өнімділік деңгейі және жұмыспен қамтудың жоғары деңгейіне қол жеткізу және қолдау қажеттілігі.

Бұған дейін Қазақстандағы орташа жалақы мөлшері аталған болатын.