3 желтоқсанда доллар бағамы төмендеді

Қазақстан қор биржасында (KASE) 3 желтоқсанда сауда қорытындысы бойынша шетел валюталарының бағамы төмендеді, деп хабарлайды Zakon.kz.

Сауда нәтижесі бойынша доллардың орташа салмақты бағамы 503,89 теңге болып, тағы да 4,07 теңгеге арзандады.

Ресей рублі 6,51 теңгеге (-0,04), Қытай юаны 71,64 теңгеге (-0,43) дейін төмендеді.

Айырбастау орындарындағы валюталарды сатып алу/сату бағамы:

• Доллар: 504,7–507 теңге
• Евро: 586,7–592,4 теңге
• Рубль: 6,43–6,55 теңге

Сонымен қатар, әлемдік нарықта мұнай бағасы өсуде.

Brent фьючерсі (ақпан жеткізілуі) 0,4%-ға өсіп, баррель үшін 62,72 АҚШ долларын құрады.

WTI мұнайы (қаңтар жеткізілуі) 0,5%-ға өсіп, баррель үшін 58,93 АҚШ долларын құрады.

Таңертеңгі деректер бойынша, Ұлттық банк долларға 508,2 теңге, еврога – 589,82 теңге, рубльге – 6,54 теңге бағамын белгіледі.