Дәрігерлер электромагниттің адам денсаулығына әсерін айтып, ескерту жасады

Сурет: freepik

Антропогендік сәулеленуден болатын электромагнит өрістердің әсері халықтың денсаулығына тәкелей ықпал етеді. Сондықтан мамандар тұрғындарға кеңестер дайындады, деп хабарлайды Zakon.kz.

Денсаулық сақтау министрлігінің Санитариялық-эпидемиологиялық бақылау комитеті электромагнит өрістердің әсері туралы мәлімет берді. Олардың айтуынша, адам үнемі қоныстану аумақтарында, өндірістік жағдайларда, тұрғын, әкімшілік, кеңселік үй-жайларда, білім беру және емдеу-профилактикалық мекемелерде электромагниттік өрістің әсеріне ұшырайды.

Электромагнит толқындарының адам ағзасына мынадай зияны бар:

орталық жүйке жүйесінің бұзылуына;
жүрек-қан тамырлары жүйесінің бұзылуына;
қанның морфологиялық құрамының бұзылуына әкеп соғады.

ЭМӨ қауіпті әсерін болдырмау үшін қандай электр құрылғыларын қолданбау керек және үйде оларды қалай, қайда қоямыз?

электр құрылғыларын бір жерде топтастырмау, оларды бір-бірінің ЭМӨ-сін күшейтпейтіндей етіп орналастыру;
электр құрылғыларын асхана, жұмыс үстелі, ұйықтау және демалыс орындарына жақын қоймау;
балалар бөлмесін ЭМӨ-ге мұқият тексеру, бөлмеде радиомен басқарылатын немесе электрлі ойыншықтардың, планшеттің, смартфонның, ноутбуктың тұрақты түрде болуына жол бермеу;
электр құрылғылардың бәрін бір уақытта емес, кезекпен қосу: ұялы телефон, компьютер, ӨЖЖ-пеш, теледидар түрлі уақытта қосылуға тиіс;
10 метр радиуста тұрақты магнит өрісін құратын радиотелефон базасын жатын бөлмеден және жұмыс үстелінен оқшаулау.

Мамандар осындай алдын алу шараларын жасап, денсаулықты сақтауға болады деп ескертті.

Оқи отырыңыз