ХҚКО-ға бармай-ақ жеке куәлік рәсімдеу: нені білу керек

"Азаматтарға арналған үкімет" мемлекеттік корпорациясы" КЕАҚ баспасөз қызметіне мүгедек балаға жеке куәлік ресімдеу тәртібі туралы сұрақ келіп түскен, деп хабарлайды Zakon.kz.

Азамат баласының I топтағы мүгедек екенін, сондықтан жеке куәлікті рәсімдеу үшін ХҚКО-ға келе алмайтындығын түсіндірді.

Мамандардың айтуынша, бұл жағдайда азаматтар көшпелі қызмет көрсету құқығын пайдалана алады.

Ол үшін клиент немесе оның қамқоршысы келесі рәсімдерді орындау керек:

• 1414 байланыс орталығына хабарласу;
• Көшпелі ХҚКО қызметі бойынша өтінім қалдыру;
• ХҚКО қызметкерлері байланыс орнатып, қызмет күні мен уақытын келіседі.

Бұған дейін 2026 жылғы 1 ақпаннан бастап қазақстандық жоғары оқу орындарының студенттері әскери кафедраға оқуға түсуге өтінішті eGov.kz порталы арқылы толық онлайн форматта бере алатындығын жазғанбыз.