Қазақстанның төрт өңірінде дауылды ескерту жарияланды

Оралда көктайғақ болады

"Қазгидромет" РМК мәліметінше, 10 желтоқсанда ауа райының нашарлауына байланысты Қазақстанның төрт өңірінде дауылды ескерту жарияланды, деп хабарлайды Zakon.kz.

Метеорологтардың мәліметінше, күндіз Ақтөбе облысының батысында, оңтүстік-батысында көктайғақ болады. Облыстың оңтүстік-батысы мен орталығында оңтүстік-шығыстан жел соғады, екпіні 15-20 м/с жетеді.

Синоптиктер 9-12 желтоқсан аралығында түнде және таңертең Алматы облысының оңтүстігінде тұман түседі деп болжап отыр. Күндіз 10 желтоқсан Алакөл ауданында жел оңтүстік-шығыстан соғады, екпіні – 18-23 м/с, 11-12 желтоқсан облыстың солтүстік-батысында солтүстік-шығыстан жел соғады, екпіні – 15-20 м/с, Алакөл көлдері ауданында оңтүстік-шығыстан жел соғады, екпіні – 20-25 м/с, 29 м/с.

10 желтоқсанда Атырау облысының солтүстігінде, шығысында және орталығында тұман, көктайғақ болады деп күтіледі. Атырауда тұман болады.

Батыс Қазақстан облысының солтүстігінде, солтүстік-батысында боран соғып, көктайғақ болады. Шығыс, солтүстік-шығыстан жел соғады, облыстың оңтүстік-шығысында желдің екпіні 15-20 м/с жетеді.

Күндіз Оралда көктайғақ болады.