Қазақстанның төрт өңірінде дауылды ескерту жарияланды

"Қазгидромет" РМК мәліметіне сәйкес, 13 шілдеде еліміздің бірқатар аймақтарында шаңды дауыл тұрады деп күтіледі. Төтенше өрт қаупі сақталады, деп хабарлайды Zakon.kz.

Синоптиктер 13 шілдеде күндіз Қызылорда облысының орталығында дауыл тұрады деп болжап отыр. Облыстың басым бөлігінде және Қызылордада төтенше өрт қаупі сақталады.

Атырау облысының басым бөлігінде аптап ыстық: +35...+39°C, ал облыстың оңтүстігінде: + 42°C. Өңірдің көп бөлігінде төтенше өрт қаупі сақталады.

Атырауда ауа температурасы: +37...+39°C.

Түркістан облысында найзағай ойнап, бұршақ түсуі мүмкін. Өңірдің солтүстігінде шаңды дауыл тұрады деп күтіледі. Облыстың басым бөлігінде төтенше өрт қаупі сақталады.

13 шілдеде Батыс Қазақстан облысының батысында найзағай ойнап, бұршақ түседі деп күтіледі. БҚО-ның басым бөлігінде аптап ыстық: +35...+ 39°C, ал өңірдің оңтүстігінде: + 42°C, төтенше өрт қаупі сақталады.

Оралда сынап бағаны + 38°C дейін көтеріледі.