Алматы хайуанаттар бағында қолтырауын 50 жасқа толды

Қолтырауын, сурет - Zakon.kz жаңалық 20.01.2022 10:07

Сурет: pixabay

Алматы хайуанаттар бағында тіршілік етіп жатқан қолтырауын 50-ге толды, деп хабарлайды Zakon.kz

Бұл қуанышты хабар хайуанаттар бағының Instagram парақшасында жазылды.

Құрметті достар! Биыл зообағымыздағы Зина есімді кайман қолтырауыны 50 жасқа толды! Ол 1972 жылдың 1 қаңтарында туылған. Зина бізге 2002 жылдың 18 шілдесінде Германияның Иккермюнд хайуанаттар бағынан әкелінді.Алматы хайуанаттар бағы

Сонымен қатар, Алматы хайуанаттар бағы Зинаның мінез-құлқын да сипаттай кетіпті.

Зина мінезді. Тыныштықты жақсы көреді, аяқ астынан ашуланып кетуі де мүмкін. Қасына өзгелерді жақындата бермейді. Дегенмен біздің герпетолог мамандарымыз онымен тіл табысып, жақсы қарым-қатынас орнатқан. Денсаулығын қарап, бақылауда ұстап отыр. Алматы хайуанаттар бағы

Жалпы каймандардың өмір сүру ұзақтығы – орта есеппен 30-40 жыл. Ал жабайы табиғатта 24 жыл өмір сүрген кайман бар. Біздің Алматылық хайуанаттар бағынының тұрғынына айналған кайман қолтыруыны Зина ректордтық 50 жасқа толып, қуантып отыр.

Оқи отырыңыз