Алматы облысында лаңкестік қауіптің «қызғылт сары» деңгейі жойылды

Қызғылт сары деңгей алынды, сурет - Zakon.kz жаңалық 07.02.2022 09:11

Сурет: Zakon.kz/Михеев

Алматы облысының арнайы және құқық қорғау органдары 7 ақпаннан бастап тұрақты жұмыс режиміне көшті. Облыс тұрғындарына азаматтық жауапкершіліктері үшін алғыс айтылды, деп хабарлайды Zakon.kz

Алматы облысындағы лаңкестікпен күрес жөніндегі жедел штаб жағдайдың тұрақтанғанын хабарлады.

Штаб басшысының шешімімен Талдықорған, Текелі қалаларында, сондай-ақ Еңбекшіқазақ, Іле, Талғар, Жамбыл, Қарасай, Ақсу, Көксу, Ескелді, Қаратал аудандарында 7 ақпан сағат 00:00-ден бастап , лаңкестік қауіптіліктің жоғары «қызғылт сары» деңгейі жойылды.

Арнайы және құқық қорғау органдары штаттық жұмыс режиміне көшті.

Штаб барлық облыс тұрғындарына түсіністік танытып, азаматтық жауапкершілік танытқаны үшін алғыс білдірді.

Бұған дейін Алматы мен Жамбыл облысында «қызғылт сары» деңгей жойылған болатын.

Оқи отырыңыз