63 мың студент жатақханаға мұқтаж – ҚР БҒМ

Орталық коммуникациялар қызметінде өткен брифингте ҚР Білім және ғылым министрлігі «Қаржы орталығы» АҚ басқарма төрағасы Асқар Ибраимов студенттер жатақханасының тапшылығы мәселесін шешу жолдарын айтты, деп хабарлайды Zakon.kz.

Инвесторларды, жеке кәсіпкерлерді мемлекеттің қаржылай қолдауымен студенттер жатақханасының құрылысына инвестиция тартуға шақырамыз. ҚР БҒМ «Қаржы орталығы» АҚ басқарма төрағасы Асқар Ибраимов

Баяндамашы бұл үдерісті тағы бір әлеуметтік нысанның құрылысы ретінде емес, табысты, тұрақты және болашағы зор бизнес жоба ретінде қарастыруды ұсынды. Ол үшін, оның айтуынша, барлық алғышарттар бар.

Ең бірінші айта кететін нәрсе – сұраныстың жоғарылығы. Бүгінде 63 мыңға жуық студент жатақханаға мұқтаж. Ал бұл көрсеткіш алдағы жылдарда өседі деп күтілуде, өйткені біз бэби бумның не екенін, контингенттің өсуі мен халықтың урбанизациялануын білеміз. Асқар Ибраимов