Әбдіжаппар Әлқожа көкпар беріп, 10 миллион теңгеден ойнатты
Сурет: instagram/abdizhappar_alkozha
Еске сала кетейік, Әбдіжаппар Әлқожа 2 ақпан күні барша жұртты Қызыләскер ауылы, Жамалов атшабарында болатын көкпарға шақырған еді. Ол бұл туралы Instagram-дағы парақшасына жазып, қазақ елін дүбірлі тойға шақыратынын хабарлады.
22.02.2022 жыл! Концертіміз 11:00-де басталады. Құран-ас 12:00-де Көкпар 13:00-де басталып кетеді. Кешікпеңіздер палуандар! Кешке тойға үлгеруіміз керек. Сол үшін ерте бастаймыз. Тойханадан! Салым қоры: 10 миллион теңге 5 автокөлік 5 түйе бастаған тоғыз қара мал, – деп жазды әнші.
Әнші екі ұлы Ахмад-Әли мен Расулды сүндетке отырғызды. Ол той жасауға 22 ақпанды арнайы таңдаған. Қызыләскер ауылында өткен тойға көптеген эстрада жұлдыздары да қатысты. Тойға барған әншілер әлеуметтік желіде көкпар туралы ойын айтып, лебізін білдіріп жатыр. Көкпардың аяғы ұлан-асыр тойға ұласқан.
Тарихта қалатын көкпар, ел есінде жүретін той боп жатыр. Дүбірлі думанға біз бен сіз куә болдық. Әбдіжаппар бауырым қазақ пейілінің кеңдігін көрсетті. Мұндай тойды көрген де арманда, көрмеген де арманда! Бауырым, қуаныш себепшілері болған перзентіңмен 1000 жаса! Нұрсұлтан Есжан
Әнші Ғазизхан Шекербековтың хабарлауынша, көкпарға барлығы 30 мың адам қатысқан.
Әбдіжаппар Әлқожа бауырым екеуіміз күнде көріспесек те, бір-бірімізге шын тілектес екенімізді көрген сайын айта алатын адамдармыз. Жетісай өңірінде күндіз 30 мың халық жиналған бата көкпар тойың, кешке ұлдарыңа берген сүндет той құтты болсын. Бұл тойға да тілектеспін, – деп жазды Ғазизхан Шекербеков Instagram-дағы парақшасында.
Әншінің өнердегі әріптестері тойға құтты болсын айтып, көкпар туралы жақсы пікірін бөлісіп жатыр. Ал әншінің оқырмандары көкпар туралы әртүрлі ойда. Кейбірі қолдап, құттықтап жатыр. Ал тағы біреулері әншінің тойға, көкпарға ақша шашқанына наразы:
Әнді қойып көкпарға өтіп кеттің бе не? Көкпардан көп ақша тауып жатсың-ау деймін?
Дұйым Қазақтың басын қосып, ұлан асыр той беріп жатыр екенсің, той құтты болсын досым!
Бүгінгі қиын қыстау кезде бауыр болып, қазақ болып," бір жағадан бас, бір жеңнен қол" шығарып, бір-бірімізді қолдамай не істеп жүрміз ағайын?! Сіздерді "ел ағасы", "қазақ жанашыры"деп білуші едік. Билікке бір ауыз "Жазықсыз азаматтарды босатсын, азаптау тоқтатылсын" деп үндеу айта алмадыңыздар ғой. Соған қарным ашып отыр. Келер ұрпақтарыңызды да ойлап тұрған жоқсыздар, өз қара басым деп отырсыздар сөздің ашығы. Ертең нанымды тартып ала ма? немесе басым кете ма? деп 30 жыл үндемей келдіңіздер!
