Желіде «Дикий Арманмен» жаңа видео пайда болды
Сурет: скриншот
Әлеуметтік желіде криминал әлемінде «Дикий Арман» лақап атымен танымал Арман Жұмагелдиевке ұқсайтын ер адам бар видео тарап жатыр, деп хабарлайды Zakon.kz.
Видео қаңтар оқиғасы кезінде Алматыдағы қонақүйдің бірінің фойесінде түсірілген деген болжам бар.
Кадрларда Арман Жұмагелдиевке ұқсайтын азамат белгісіз ер адамның басына тапанша тақайды. Аз-кем әңгімеден соң, екеуін қоршап тұрған бірнеше жігіт ер адамды тізерлетіп отырғызады. Артынша ұрып соғып, жерге жатқызады.
Еске салайық, 7 қаңтарда Алматыда «Дикий Арман» есімді криминалдық топтың жетекшісі ұсталған болатын. Қазақстан Республикасы Ішкі істер министрлігі Жұмагелдиевпен бірге оның тобының бес мүшесі де ұсталғанын хабарлады.
Алдын ала мәлімет бойынша, «Дикий Арман» Қазақстанға өткен жылдың желтоқсан айында шетелден келіп, 5-6 қаңтардағы қайғылы оқиға кезінде Алматыда болған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
