Турнир кезінде «Астана Арена» стадионында шатыр опырылып түсті

Елордадағы стадионда футболдан 2022 жылғы Қазақстан чемпионатының бірінші турында «Астана» - «Шахтер» матчы кезінде көрермендер отыратын орындарға шатыр элементтері құлап кетті, деп хабарлайды Zakon.kz.

Vesti.kz хабарлағандай, оқиға екінші таймда болған.

Шатырдың бір бөлігі N2 сектордың үстіне құлады. Адамдарға ешқандай зиян тиген жоқ. Қауіпсіздік қызметі барлық жанкүйерлерді, атап айтқанда, Астананың белсенді жанкүйерлерін сектордан шығарды.

«Астана Арена» – Қазақстанда тәуелсіздік алғалы салынған екі стадионның бірі. Құрылыстың құны шамамен 200 миллион долларды құрады.