Қостанай облысында дауылды ескерту жарияланды

21 наурызда Қостанай облысының басым бөлігінде қар жауады. Түнде облыстың солтүстігінде, күндіз басым бөлігінде бұрқасын болады. Облыстың солтүстігінде тұман түсіп, көктайғақ болады, деп хабарлайды Zakon.kz.

Бұл туралы Қостанай облысының төтенше жағдайлар қызметі мәлімдеді.

Ведомствоның хабарлауынша, оңтүстік-батыстан, батыстан күші 15-20 м/с-ке жететін жел соғады, күндіз облыстың оңтүстігінде желдің екпіні 23-28 м/с болады.

Ал Қостанай қаласында 21 наурыз күні жаяу-бұрқасын болады, оңтүстік-батыстан, батыстын жел соғады.

Қостанай облысының төтенше жағдайлар қызметі азаматтарды мүмкіндігінше автокөлікпен ұзақ сапарларға шықпауға шақырды.