Қазақстандықтар ұлттық саябақтарға барғаны үшін қанша төлейді

Экономика министрлігі Салық кодексіне республикалық маңызы бар ерекше қорғалатын аумақтарды (ұлттық саябақтар) пайдаланғаны үшін төлем мөлшерлемелерін белгілейтін түзетулер дайындады, деп хабарлайды Zakon.kz.

591 -бапқа өзгерту енгiзiлдi.

Атап айтқанда, келесі тарифтер қарастырылған:

• жаяу жүргіншіден – 0,1 АЕК (3063 теңге);

• мотоциклдер, мопедтер, квадроциклдер – 0,2 АЕК (612,6 теңге);

• жеңіл автокөліктер – 0,3 АЕК (918,9 теңге);

• шағын автобустар 16 орынға дейін және жүк көліктері – 1 АЕК (3063 теңге);

• 32 орынға дейінгі автобустар – 2 АЕК (6126 теңге);

• 32 орыннан жоғары автобустар – 3 АЕК (9189 теңге).

Бұл тарифтер ерекше қорғалатын табиғи аумақта болған әрбір күн үшін белгіленеді.

Құжат 6 сәуірге дейін қоғамдық талқылау үшін Ашық НҚА веб-сайтында орналастырылған.

Қазіргі уақытта республикалық маңызы бар ерекше қорғалатын табиғи аумақтарды пайдаланғаны үшін төлемақы мөлшерлемелері келушілер санатына бөлінбестен 0,1 АЕК мөлшерінде белгіленеді.