Спорт жаңалықтары 
Елбасы Бисембаевты өзінің көмекшісі қызметіне қайта тағайындады
Сурет: elbasy.kz
Қазақстан Республикасының Тұңғыш Президенті – Елбасының шешімімен Абай Айдарханұлы Бисембаев Қазақстан Республикасы Тұңғыш Президенті – Елбасының көмекшісі болып тағайындалды, ол Қазақстан Республикасы Тұңғыш Президентінің көмекшісі – Елбасы – Қазақстан Республикасы Президенті Басшысының бірінші орынбасары қызметінен босатылды, – делінген ресми хабарламада.
Бисембаев Абай Айдарханұлы 1967 жылы 21 мамырда Көкшетау облысында дүниеге келген.
1992 жылы М.В. Ломоносов атындағы Мәскеу мемлекеттік университетін бітірген. «Қоғамдық-саяси қатынастар теориясы» мамандығы бойынша, 1996 жылы Қазақ мемлекеттік басқару академиясы жанындағы Нарық институты «Қаржы және несие» мамандығы бойынша.
Еңбек жолын 1984 жылы Көкшетау облысының құрылыс-монтаж басқармасында жұмысшы болып бастады.
1985 - 1987 жж - Кеңес Армиясы қатарындағы қызмет.
1992 жылы - Қазақ КСР ҒА Экономика институтының ғылыми қызметкері.
1992 - 1994 жж – Қазақстан Республикасы Мемлекеттік мүлік жөніндегі мемлекеттік комитетінің инвестициялық қорлар департаментінің жетекші маманы, басшының орынбасары, бөлім бастығы.
1994 - 1995 жж - Қазақстан Республикасы Министрлер Кабинетінің Аппараты аумақтық даму бөлімінің бас инспекторы, Қазақстан Республикасы Президентінің жанындағы Экономикалық кеңесшілер кеңесінің консультанты болып жұмыс істеді.
1995 - 1996 жылдар - Қазақстан Республикасының Бағалы қағаздар жөніндегі ұлттық комиссиясының мүшесі.
1996 - 2006 жж - «Азық-түлік келісім шарт корпорациясы» АҚ вице-президенті, президенті болып жұмыс істеді.
2006 - 2012 - Қазақстан Республикасы Президентінің Іс Басқарушысының орынбасары қызметін атқарды.
2012 - 2019 – Қазақстан Республикасы Президентінің Басқарушы директоры.
2019 жылғы 20 наурызда ол Тұңғыш Президент – Елбасының көмекшісі – Қазақстан Республикасы Президенті Әкімшілігі Басшысының бірінші орынбасары болып тағайындалды.
