Балқашта австралиялық шаяндар өсірілуде

балқашта шаян өсіріледі, сурет - Zakon.kz жаңалық 31.03.2022 11:10

Сурет: pixabay

Балқаш көлінде австралиялық қызыл шаяндар өсірілмек. Қазір ғалымдар жәндіктің орталық Қазақстанның климатында қаншалықты көбейе алатынын зерттеп жатыр, деп хабарлайды Zakon.kz.

Бұл шаянды шағын лобстер деп те атайды. Ұзындығы 20-25 сантиметрге дейін жетеді, деп жазады qazaqstan.tv.

Еті өте дәмді келеді. Сондықтан сұраныс үлкен. Әрі оны өндірістік жағдайда өсіру тиімді, - дейді мамандар.

Айта кетейік Балқаштағы балық шаруашылығы ғылыми зерттеу институты бұдан бөлек көкбас балығын да көбейтіп жатыр. Жуырда Қызыл кітапқа енген пілмай мен бекіре балықтарын әкелмекші.

Өзен шаянымен салыстырғанда оның өсуі жылдам, көбеюі тезірек және көлемдері үлкен деңгейге дейін болады. Ол шаянға қазіргі таңда мейрамханаларда, ресторандарда сұраныс бар. Соны біз дәлелдеп, оны осы Орталық Қазақстанның жағдайында өсіруге бола ма, ол қаншалықты тиімді, олар Қазақстанның жемін жей ма, шетелдің жемін жесе дұрыс өсе ма, жылдам өсе ма, сондай зерттеулік жұмыстар жүргізілуде. Еркінбек Құмантаев, Қазақстан балық шаруашылығы ғылыми зерттеу институтының Балқаш қалалық филиалының директоры

Оқи отырыңыз