Маңғыстауда үйсіз жануарларға арналған баспаналар құрылады

Сурет: Zakon.kz

Облыстық ауыл шаруашылығы басқармасы басшысының орынбасары Бердібек Марқабаев үйсіз мысықтар мен иттерге арналған арнайы баспаналар құру туралы айтты, деп хабарлайды Zakon.kz.

2 наурыздан бастап күшіне енген Қазақстан Республикасының «Жануарларға жауапкершілікпен қарау туралы» жаңа заңына байланысты Маңғыстауда қаңғыбас мысықтар мен иттерді аулау және жою жөніндегі іс-шаралар тоқтатылды, деп хабарлайды Lada.kz.

Енді облыста үйсіз жүрген үй жануарлары көшеде ұсталып, кейін арнайы баспаналарға тапсырылады.

Жедел баспаналар құру жөнінде тапсырмалар берілді. Қамалған қаңғыбас жануарлар сонда тапсырылады. Осы уақытқа дейін ветеринарлық бекеттер қаңғыбас иттер мен мысықтарды аулап, жойып келген. Тірі аулау оңай жұмыс емес, бұл үшін арнайы техника мен арнайы көліктер ғана емес, сонымен қатар оқытылған адамдар да қажет. Қызметкерлер мұны үйренуі керек. Қаржылық және ұйымдастырушылық жұмыстарды жүргізу қажет. Маңғыстау облысының ауыл шаруашылығы басқармасы басшысының орынбасары Бердібек Марқабаев

Қазақстан Республикасы Қылмыстық кодексінің 316-бабына сәйкес, мал жарақаттанса, құқық бұзушыға 120 АЕК (367 560 теңге) көлемінде айыппұл салынады. Немесе адам 120 сағат қоғамдық жұмысқа тартылуы, әлде, 30 тәулікке қамауға алынуы мүмкін.

Жануарды өлтіру 200 АЕК (612 600 теңге) көлемінде айыппұл салу немесе 200 сағат қоғамдық жұмыстарға тарту түрінде жазаланады. Қамау мерзімі 50 тәулікке дейін ұзарады.

Оқи отырыңыз