Чатта жаман сөздер айтқан: Павлодар облысында ер адам қамауға алынды

чат, ер адам, боқ ауыз, сурет - Zakon.kz жаңалық 07.04.2022 10:01

Сурет: unsplash

Успен аудандық соты Әкімшілік құқық бұзушылық туралы кодекстің 434-баптың 1-бөліміне сәйкес ер адамға қатысты әкімшілік істі қарады, деп хабарлайды Zakon.kz.

Pavlodarnews.kz таратқан ақпаратқа сай, азамат 2022 жылдың 2 сәуірінде Успен ауылындағы 245 қатысушысы бар WhatsApp мессенджерлік топтарының біріндегі хабарландыруларды оқып, әдепсіз сөздері бар бірнеше дыбыстық жазбаларды жіберген.

Ол осы топқа қатысушыларға қатысты адамның қадір-қасиетіне нұқсан келтіретін сөздер айтқан. Осылайша ӘҚБтК-нің 434-бабының 1-бөлігінде (ұсақ бұзақылық) көзделген әкімшілік құқық бұзушылық жасаған, - деп жазылған облыстық соттың баспасөз қызметінде.

Успен аудандық сотының қаулысымен ер адам ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, 5 тәулік мерзімге әкімшілік қамаққа алу жазасы тағайындалды.

Шешім заңды күшіне енген жоқ.

Оқи отырыңыз