Қазақстан халқы тыныш ұйықтай алады - Қорғаныс министрі

министр есеп берді, сурет - Zakon.kz жаңалық 20.04.2022 14:40

Сурет: ҚР Қорғаныс министрлігі

ҚР Қорғаныс министрі Руслан Жақсылықов соғыс болған жағдайда Қазақстан армиясының дайын екендігін айтты, деп хабарлайды Zakon.kz.

Қорғаныс министрлігінің басшысы Қазақстан Қарулы Күштерінің дайындық деңгейін өзі тексергенін айтты. Жақында әскери жаттығулар аяқталды, қазір сараптама жүргізілуде.

Айтайын дегенім, Қазақстан халқы тыныш ұйықтаса екен. Мәселелер бар, бірақ олар шешілді. Жауынгерлік мүмкіндіктерді, материалдық-техникалық қамтамасыз етуді арттыру үдерісі жүріп жатыр. Руслан Жақсылықов

Министр сондай-ақ Қазақстанның солтүстігінде өңірлік қолбасшылықтың бөлімшесі ашылатыны жайында сөз қозғады.

«Ұлттық қауіпсіздіктің тұтас стратегиясы бар, Қарулы Күштерді құру тұжырымдамасы бар, стратегиялық бағыттар бар. Қажеттілік туындаған жағдайда – солтүстікте өңірлік қолбасшылық құрылады. Бүгінгі таңда мұндай аймақтық қолбасшылық құрудың қажеті жоқ деп есептейміз. Өйткені, бұл облыс Астана өңірлік қолбасшылығына кіреді», - деді Жақсылықов.

Еске салайық, Руслан Жақсылықов Қорғаныс министрі болып 2022 жылдың 19 қаңтарында тағайындалған болатын. Оның алдындағы Мұрат Бектанов 21 ақпанда ұсталды. Бас прокуратура экс-министрге қызметтегі әрекетсіздік фактісі бойынша сотқа дейінгі тергеп-тексеруді бастады.

Оқи отырыңыз