Тоқаев этномедиацияны дамытуды тапсырды
Сурет: Қазақстан халқы ассамблеясы
Қазақстан Республикасының Президенті Қасым-Жомарт Тоқаев ҚХА-ның ХХХІ сессиясында аудандық деңгейдегі мемлекеттік қызметкерлер оқытылатын этномедиация бойынша оқу орталығын құруды ұсынды, деп хабарлайды Zakon.kz.
Ассамблея медиация негізінде кәсіби келіссөз жүргізушілердің бірегей институтын қалыптастыруға кірісті. Бұл жұмыс құптауға лайық, себебі жұмысқа мүлдем жаңа көзқарас қалыптастырады. Аталмыш жұмысты нақты қолданбалы негізде қою қажет. Этномедиация бойынша оқу орталығын құру, тұрақты жұмыс істейтін оқу курстарын ұйымдастыру қажет, онда аудандық деңгейдегі мемлекеттік қызметкерлердің көпшілігі оқытылуы тиіс. Ақпарат және әлеуметтік даму, Білім және ғылым министрліктеріне Мемлекеттік басқару академиясымен, Ассамблея хатшылығымен бірлесіп, осы мәселе бойынша жүйелі ұсыныстар енгізуді тапсырамын. Қасым-Жомарт Тоқаев
Ол Ассамблея дайындаған медиаторлардың қоғамдағы зорлық-зомбылық деңгейін төмендетуге, отбасы-тұрмыстық қатынастар саласындағы құқық бұзушылықтармен тиімді күресуге, сондай-ақ әйелдер мен балаларға қатысты қылмыстардың алдын алуға зор үлес қосатынына сенім білдірді.
Адам құқықтарын қорғау бойынша жұмысты тиімді жүргізу үшін Ассамблея Адам құқықтары жөніндегі уәкілмен тығыз өзара іс-қимылды ұйымдастыруы қажет деп есептеймін. Оның үстіне бұл институт басталған конституциялық реформаға сәйкес жақын арада конституциялық мәртебе алуы мүмкін. Қасым-Жомарт Тоқаев
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
