Білім министрі мектеп асханаларының жұмысын сынға алды
Сурет: Facebook/askhat.aimagambetov
Білім және ғылым министрі Асхат Аймағамбетов өңірлердегі мектеп асханаларын аралады. Ол асханаларға қатысты бірнеше мәселені атап өтті. Мәселен, асханалардағы төлем жүйесі.
Осыған дейін асханаларда қолма-қол ақшасыз төлем жүйесін енгізу талабын бекіттік. Мұның бірнеше артықшылығы бар. Бұл гигиенаның сақталуына әрі кезектің тез жылжуына көмектеседі. Сондай-ақ балаларда қолма-қол ақшаның болмауы оларды қауіптерден сақтайды. Ата-аналарға да шығындарды бақылау оңайырақ болады. Бірақ көбінесе қолма-қол ақшасыз төлем жүйелері өшіріліп, пайдаланылмайды.Білім және ғылым министрі Асхат Аймағамбетов
Асханадағы бағалар да министрдің назарынан тыс қалмады. Ол мектеп асханасында 0,5 литр су 300 теңгеден немесе бәліштер мен тоқаштардың дүкендердегі бағадан жоғары бағада сатылатыны сұрақ туындататынын айтты. Ол «бір қалада бірдей өнім бағасында 50-70%-ға дейін айырмашылық болуы мүмкін екенін» атап өтті.
Ведомство басшысы «кейбір өңірлер асханаларды МЖӘ (Мемлекеттік-жекеменшік әріптестік) арқылы жеке кәсіпкерлерге беріп жүргенін» тілге тиек етті.
Біз МЖӘ-нің дамуын қолдаймыз. Бірақ кейде бұл конкурсты өткізбеу үшін және асхананы кәсіпкерге тікелей (10-15 жылға) беру үшін жасалады. Біріншіден, біз конкурссыз Жеке қаржылық бастама (ЖҚБ) бойынша емес, конкурс өткізілу керек деп санаймыз. Екіншіден, салым сомасы аз мөлшерде, мысалы, 5-7 млн теңге емес, тиісті көлемде болуы маңызды. Көрсетілетін қызметтердің сапасын есте сақтап, бұл қаражаттар тоңазытқыштар, плиталар, үстелдер мен орындықтарды сатып алуға жұмсалатынын түсіну маңызды. Яғни, сайып келгенде кәсіпкер өз жұмысына қаражат салады. Үшіншіден, біз жұмыстың ақылға қонымды мерзімдерін белгілегенді қолдаймыз.Асхананы 15-20 жылға келісімшарт жасау сұрақ туғызады.Білім және ғылым министрі Асхат Аймағамбетов
Мектеп асханаларында Денсаулық сақтау министрлігінің бұйрығымен тыйым салынған өнімдерді сату (мысалы, фастфуд, газдалған сусындар, чипсы және т.б.) мәселесі де сөз болды.
Министрліктің қызметкерлері бірнеше облысқа барып, бірқатар мектепте осындай фактілерді анықтады. Әсіресе Түркістан облысында. Мұндай фактілер анықталған жағдайда дереу СЭС органдарына хабарласу қажет.Асхат Аймағамбетов
Министр осы проблемаларды нормативтік деңгейде шешу үшін жұмыс тобы құрылғанын мәлімдеді. Сондай-ақ ведомство заңнамаға бірқатар толықтыру енгізуге бастама жасады, олардың шеңберінде арнайы нормалар бекітілмек.
