«Шымкент жастар лигасы» мәресіне жетті
![жастар лигасы аяқталды, сурет - Zakon.kz жаңалық 03.06.2022 09:00](https://kaz.zakon.kz/pbi/WEBP/2023-12-20/file-593ab83f-fba5-43ee-a0ed-f57e03eb5f78/800x451.webp)
Жарыстың жалпы жүлде қоры 80 миллион теңгені құрады. Яғни, әр спорт түрі бойынша жеңімпаз атанған командаға 20 миллион теңгеден ақшалай сыйлық табыс етілді. Бұл қаржы мектептердің материалдық-техникалық базасын нығайтуға жұмсалады.
![жастар лигасы мәресіне жетті, сурет - Zakon.kz жаңалық 03.06.2022 09:00](https://kaz.zakon.kz/pbi/WEBP/2023-12-20/file-64df07c6-ff77-43fd-9beb-ca21c14ab3d8/800x451.webp)
Сурет: Шымкент қаласы әкімдігінің баспасөз қызметі
Жастар лигасының салтанатты жабылу рәсімінде Шымкент қаласының әкімі Мұрат Әйтенов сөз сөйлеп, жарыстың жеңімпаздары мен жүлдегерлерін құттықтады.
![жастар лигасы, сурет - Zakon.kz жаңалық 03.06.2022 09:00](https://kaz.zakon.kz/pbi/WEBP/2023-12-20/file-9a4904e2-6668-44ee-bf12-587f6f621ecb/800x451.webp)
Сурет: Шымкент қаласы әкімдігінің баспасөз қызметі
Міне, екінші жыл бұқаралық спортты дамытуда үлкен жоба бастап, өз нәтижелерін көрсетіп келеді. Мұндағы басты мақсат — жастардың кәсіби спортқа бет бұруының бастамасын мектеп кезінен қалыптастыру. Екінші жағынан, еңбекқорлығымен, әрекетімен өз білім ұяларының абыройын көтеру, — деді Мұрат Дүйсенбекұлы.
![жастар лигасы, сурет - Zakon.kz жаңалық 03.06.2022 09:00](https://kaz.zakon.kz/pbi/WEBP/2023-12-20/file-d7556a07-2920-4a6c-946a-930f5ee67fb6/800x451.webp)
Сурет: Шымкент қаласы әкімдігінің баспасөз қызметі
Сонымен «Шымкент жастар лигасында» шахмат бойынша — Ө.Жолдасбеков атындағы №9 ІТ лицейдің, волейбол бойынша Әл-Фараби атындағы №113 мектептің, баскетбол бойынша — М.Х.Дулати атындағы мектеп-гиманзиясының, футбол бойынша — Ы.Алтынсарин атындағы №65 мектеп-гиманзияның командалары лиганың чемпионы атанды.
Айта кетейік, жарысқа Шымкенттегі 151 орта мектептен 6 мыңға жуық оқушы қатысты.
![жастар лигасы, сурет - Zakon.kz жаңалық 03.06.2022 09:00](https://kaz.zakon.kz/pbi/WEBP/2023-12-20/file-15e85545-8bad-4c1b-bd46-3004e4029106/800x451.webp)
Сурет: Шымкент қаласы әкімдігінің баспасөз қызметі