Психологтар танысудың ең тиімді тәсілдерін анықтады

АҚШ-тағы Бакнелл университетінің ғалымдары 18-96 жас аралығындағы 39 ер адам мен 57 нәзік жанды зерттеуге тартты. Оларға романтикалық таныстық кезінде айтылатын сөздерді 10 санат бойынша бағалау ұсынылды, деп хабарлайды Zakon.kz.

Evolutionary Behavioral Sciences журналының мәліметінше, әйелдер қауымы тікелей кездесуге шақыруды, телефон нөмірлерімен алмасу туралы ұсынысты, кездесуге ықылас білдіруді және "ер адамның сүйіктісі бар ма" деген сұрақты ең тиімді тәсілдер деп тапты.

Өз кезегінде мырзалар ашық ұсыныстарды әйелдерге қарағанда тиімді деп санайды. Мүмкін, бұл әрекет адамның нақты ниетінен хабар беретінін әрі әлеуетті серіктесінен айырылып қалу ықтималдығын азайтатын болғандықтан болар.

Жеке қасиеттерді талдау нәтижесіне келсек, бойжеткендер жағы батыл әрі тартымды бейтаныс ер адаммен бірінші болып сөйлесуге дайын болып шықты.

Зерттеу авторлары мұның бәрі тек адамдардың пікіріне негізделгенін, бұл іс жүзінде мүлдем сенімді әдіс болатындығына кепілдік бере алмайтынын айтады.