Қазгидромет алматылықтарды тауға шықпауға шақырды

«Қазгидромет» РМК дауылды ескерту жариялады. 28 маусымда таулы аймақтарда таңертең және күндіз найзағай ойнайды, деп хабарлайды Zakon.kz.

Сонымен қатар солтүстік-батыстан соғатын желдің екпіні секундына 15-20 метр күшейіп, найзағай ойнайды.

Алматы қаласы Төтенше жағдайлар департаментінің баспасөз қызметі туристерге жаяу серуендеуден бас тартуды сұрап, үндеу жасады.

Мамандар «112-ден» келетін ескертулер мен БАҚ хабарламаларын қарай жүруді сұрады.

Еске сала кетейік, синоптиктер Қазақстан бойынша 28-30 маусымға арналған ауа райы болжамын ұсынды. Ел аумағында күн күркіреп, бұршақ жауып, жел күшейеді. Ауа температурасы төмендейді.