Ресейде маймыл шешегінің алғашқы жағдайы анықталды

Маймыл шешегі, сурет - Zakon.kz жаңалық 12.07.2022 13:39

Сурет: pixabay

Ресейде маймыл шешегінің алғашқы жағдайы расталды. Ауру Еуропадан оралған жас жігіттен анықталды, деп хабарлайды Zakon.kz.

Ауру жеңіл түрде өтуде және өмірге қауіп төндіріп тұрған жоқ. Науқастың Ресейде болған кездегі байланыс шеңбері шектеулі болды. Ол пәтерде жалғыз тұратын. Барлық байланыста болған адамдар дәрігердің бақылауында. Науқас инфекциялық профильді медициналық ұйымға оқшауланған. Ресейдің Роспотребнадзоры

Дүниежүзілік денсаулық сақтау ұйымының алдын ала мәліметтері бойынша, маймыл шешегі ауруын жұқтыру туралы деректер күн сайын артып келеді. Ең үлкен індеттің толқыны Нигерия мен Конгода тіркелген.

Бүгінгі таңда әлемнің 70 елінде 9 111 жағдай тіркелді, оның 9 071 жағдайы расталды. Жұқтырғандардың көбі Ұлыбританияда – 1552, Германияда – 1490, Испанияда – 2034, Францияда – 721, Португалияда – 473, АҚШ-та – 790 тіркелген.

Оқи отырыңыз