Қазақстан отбасылары көбіне қандай техника сатып алады
Сурет: unsplash
Бұл ретте респонденттердің 30,1%-ында спутниктік антенна, 4,2%-да бейнекамера, 9,9%-да сандық камера, 52,8%-да ноутбук, 19,3%-да планшет болған.
Көрсетілген ойын-сауық тауарларының ішінде ауылдық елді мекендерді радиоқабылдағыштармен қамтамасыз ету қалаларға қарағанда жоғары болып шықты: 3,5%-ға қарсы 6,2%. Дәл осындай жағдай музыкалық орталықтарға қатысты: 14,3%-ға қарсы 11,3%-ға, сонымен қатар спутниктік антенналарға қатысты: 62,4%-ға қарсы 12,4%-ға қатысты, деп жазды Ranking.kz.
2021 жылы еліміздің отбасылары жоғары деңгейде теледидармен қамтамасыз етілді: барлық дерлік өңірде теледидар сатып алу 100% болды. Тек Ақмола, Қостанай (әрқайсысы 99,8%) және Қарағанды (99%) облыстарында өзгешеліктер байқалды.
Үй кинотеатрлары көбіне Павлодар облысындағы үй шаруашылықтарында (сауалнамаға қатысқандардың 5,1%) болды. Ал Шығыс Қазақстан облысында (бар болғаны 0,5%) аз екен.
Радиоқабылдағыштар көбіне Атырау облысының үй шаруашылықтарында бар (сауалнамаға қатысушылардың 12,1%). Бірақ Шымкентте радиоқабылдағыш (0,4%) аз.
Алматыдағы отбасыларда көбінесе музыкалық орталықтар, бейнекамералар, фотоаппараттар, ноутбуктер мен планшеттер болды. Ал Солтүстік Қазақстан облысының тұрғындарында спутниктік антенналар болды.
Биыл маусым айының қорытындысы бойынша аудиовизуалды және фотоаппаратуралардың, сонымен қатар ақпаратты өңдеуге арналған жабдықтардың құны бір айда 4,4%, бір жылда 5,5% өсті. Жылдық динамика бойынша камералар бірден 11,4%, теледидарлар 6,7%, ноутбуктер 3,4%, сымсыз құлаққаптар 3,1% қымбаттады.
