38 градус ыстық: ТЖД алматылықтарға үндеу тастады

ауа райы болжамы, сурет - Zakon.kz жаңалық 21.07.2022 10:13

Сурет: pixabay

Алматы қаласының Төтенше жағдайлар департаменті 21 шілдеде күтілетін аптап ыстыққа (+36...+38°C) байланысты оңтүстік астана тұрғындарына үндеу жолдады, деп хабарлайды Zakon.kz.

21 шілдеде Алматыда +36...+38°С қатты ыстық күтіледі, деп хабарлады Алматы ТЖД «Қазгидромет» РМК жасаған дауылды ескертуге сілтеме жасап.

Ведомство «Ыстық ауа райы әсіресе жүрек-қан тамырлары аурулары, артериялық гипертензиямен ауыратындар, сондай-ақ инфаркт пен инсульт қаупі бар адамдар үшін қауіпті» деп ескертті.

Жаяу жүруден бас тартыңыз, дене белсенділігімен айналыспаңыз. Дәрігердің ұсынымдарын қатаң сақтау және тағайындаған дәрі-дәрмектерді уақытында қабылдау қажет. Артериялық гипертензиямен ауыратын адамдар қан қысымын үнемі бақылауы керек. Алматы қаласы Төтенше жағдайлар департаментінің баспасөз қызметі

Сондай-ақ, департамент қала тұрғындары мен қонақтарын «күн өтуден сақтану үшін жаяу жүруден бас тартуға» шақырды.

Оқи отырыңыз